عزة بهاء: اكتشفت أن جوزي متجوز عليا وأنا في

القاهرة- مصراوي:

حلت الفنانة عزة بهاء، ضيفة على برنامج "قعدة ستات"، الذي تقدمه المذيعة مروة صبري على شاشة "القاهرة اليوم".

وكشفت عزة بهاء تعرضها لصدمة بعد وفاة زوجها إذ اكتشفت أنه تزوج عليها ولم يخبرها، وذلك أثناء تشييع جثمانه، وقالت خلال لقائها في "قعدة ستات": أنا اتجوزت ٣ مرات، لأن ماليش حظ في الرجالة للأسف بختار غلط.. أنا مرة كنت متجوزة وهو كان مسافر وعمل حادثة وأنا طبعا قاعدة مستنياه يرجع فلقيت مامته بتكلمني تقولي إنه إتوفى".

و استكملت عزة بهاء حديثها: نزلت لقيته اتوفى فعلا وفي عربية الإسعاف ومعاه واحدة فقعدت اخبط على العربية، عايزة أعرف مين دي، ومصدومة طبعا ومش مستوعبة لسه، وفي الجنازه بتاعته بعد ما اتدفن وصلينا عليه لقيت واحد صاحبه بيواسيني فقولتله الا قولي هي مين اللي كانت مسافرة معاه دي صحيح صاحبته؟".

وأضافت: صاحبه رد عليا قالي لا يا عزة متظليمهوش ده طول عمره على خُلق ودي مكانتش صاحبته دي كانت مراته، وأنا كنت زوجة تانية وهو اتجوز عليا التالتة من غير ما أعرف.

برنامج "قعدة ستات" تقدمه مروة صبري على شاشة "القاهرة اليوم" يوم السبت من كل أسبوع، وتستضيف من خلاله عددًا من الفنانات وتناقش قضايا مختلفة.