هشتكيك لربنا.. رجب بحة لمرتضى منصور: "شوهت
الفيوم - حسين فتحي:
رد الحاج رجب محمد محمد شحاتة، وشهرته رجب بحة، من قرية منية الحيط بمركز إطسا في محافظة الفيوم، على اتهامات المستشار مرتضي منصور، بعد عرض الأخير صورته موجها له تهمة استخدام السحر لهزيمة الزمالك في مباراته أمام الأهلي.
وقال الحاج رجب في بث مباشر لمصراوي: حسبي الله ونعم الوكيل فيك حرام عليك تشوه سمعتي أنا راجل بصلي وحافظ القرآن وأنت اتهمتني بالباطل إن أنا بسحر، وأنا راجل أمي لا بعرف أقرأ ولا أكتب ولا بعرف أعمل حاجة، بس هشتكيك لربنا".
وأضاف: "أن أحد أهالي القرية من مشجعي الزمالك أرسل فيديو للمستشار مرتضى منصور وأخبره أنه عمل سحر للزمالك وأنه لا يعرف هذه الأفعال".
وتابع: "قسمًا بالله العظيم، قسمًا بالله العظيم مرة تانية، ما أعرف سيد عبد الحفيظ ولا عمري شوفته ولا بفهم في الكورة ولا بعرف أعمل الحاجة دي، وإللي بيعملها بيقي مشرك بالله، وأن راجل شغال بنا عامل بإيدي، شغال أرزقي، ولو تيجي تتفرج على المعيشة اللي عايشينها، وبيتي إللي عايش فيه، مش هترضاه لنفسك، وسمعتي وسمعة ولادي، كده غلط وكده ما ينفعش، وحرام عليك لما تشوه سمعتي بالطريقة دي، ومعايا عيال وبنات على وش جواز، وأنا حافظ قرآن".
اقرأ أيضا
دمرت سمعة عيلتي .. أول رد من رجب بحة على اتهام مرتضى منصور له بممارسة السحر- فيديو وصور
عامل بناء يحفظ القرآن.. من هو رجب بحة الذي اتهمه مرتضى منصور بالسحر وتدمير الزمالك
