عارفة عبد الرسول تستعيد الذكريات: " محمود حميدة
استعادت الفنانة عارفة عبد الرسول ذكريات دخولها عالم التمثيل.
وشاركت مع متابعيها صورة تجمعها بالفنان محمود حميدة وروت تفاصيل لأول مرة عن وقوفه بجانبها و دخولها عالم التمثيل.
ونشرت الصورة عبر صفحتها بموقع التواصل الإجتماعي "فيسبوك" وعلقت قائلة: " بكيت لما شوفته.. وأعرفه من سنين لما جه عندنا قصر ثقافة الأنفوشي لندوة رمضانية.. كنت موظفة على قدي .. أخدت بنته قعدتها في أول صف وبعت جبت لها شيكولاتة.. إنتوا متخيلين موظفة مرتبها على قدها تجيب شيكولاتة؟".
واستكملت: " يومها قال كلام زود إعجابى بيه ولما خلصت الندوة قربت منه وقولتله: "أنا في دماغي فكرة سيناريو ممكن أعرضها على حضرتك؟" ، وبكل ترحاب إدانى كارت وقالي في خلال 15 يوم تكوني عندي بالسيناريو .. فرحت جدا لأني كنت مخنوقة ومعنديش إمكانية إني أجي القاهرة و أعرض نفسي كممثلة ، قولت أكتب وأنا أصلا كنت واخدة جايزة في القصة القصيرة فيعني ممكن أحاول أكتب سيناريو".
وأردفت: " وحصلت ظروف ودي بقى حكاية .. المهم إنه هو السبب في إن حياتي اتغيرت للي بتمناه وفضلت ممتنة ليه من وقتها .. شوفته و قالوا لي قربي جنب الأستاذ في الصورة .. اترعبت قولت مش معقول لقيته بيقولي تعالي بابتسامة جميلة.. قربت وأنا خايفة .. قالي نتصور الأول وبعدين عيطي براحتك .. الصورة باين فيها العياط والرهبة .. بس ده يوم للذكرى".
آخر أعمال الفنانة عارفة عبدالرسول الفنية هو مشاركتها في مسلسل الأجهر الذي عُرض في الموسم الدرامي لرمضان 2023 وهو من بطولة عمرو سعد ودرة ومن إخراج ياسر سامي.