بيومي فؤاد يعاتب السبكي: "ليه عملت كده يا محمد؟"
حل الفنان بيومي فؤاد ضيفًا على برنامج "حبر سري" تقديم أسما إبراهيم ويعرض على قناة "القاهرة والناس".
وتحدث الفنان بيومي فؤاد عن أزمته مع الفنان محمد سلام ودافع عن الفنان محمد أنور الذي جاء بديلًا لـ "سلام"، وكشف عن العديد من التفاصيل لأول مرة في فقرة بعنوان "قد الكلام".
وفور رؤيته صورة المنتج محمد السبكي قال: "ليه عملت كده يا محمد؟، أنا عمري ما قولت على فيلم انه بتاعي، فيلم "مطرح مطروح" الوحيد اللي قولت عليه انه بتاعي عشان أتولد في مكتبي أتألف في مكتبي مش اللي اتعرض ده خالص ومحمد السبكي لما راح له الفيلم قال أقسم بالله ما هغير كلمة من كتر إعجابه وهو راجل بيفهم في السوق وفي الورق ، اللي حصل أن الفيلم ده يكفي أقولك أن الأستاذ شريف عرفة قالي هات أعملهولك لما سمع مني السطر وفضلت محمد السبكي لأن السبكي قالي أنا مش شغال".
واستكمل: "وديته للمؤلفين وقالولي ما اتفقناش قولت لهم ليه، قالولي عايز يديني كذا واحنا عايزين كذا، كلمته قولت له نشيل أنا النص وأنت النص، قالي مش هديهم أكتر من كده، روحت قافل معاه وكلمتهم وقولت لهم الفرق اللي انتوا عايزينه عندي أمضوا، وانشغلت أنا بعدها لدرجة أني كنت بصور فيلم في دبي جه محمد السبكي ودخل قالهم انا وبيومي فؤاد بنعمل فيلم هيحطنا على تراك تاني، وراحت الأيام وجت الأيام الأستاذ محمد السبكي اتفق مع الفنان الأستاذ الكبير اللي بحترمه وبحبه وبعشقه محمود حميدة انه ييجي يعمل الفيلم".
وأضاف: "وأنا مودي له فيلم بتاعي وضحك على المؤلفين وخد منهم تنازل وخلاص بقى فيلمه، وعشان كده بقوله ليه؟، وانتي عايزاني أنا اللي احترم العشرة واحترم العيش والملح بجملة العبط".
اقرأ أيضا:
50 صورة من حفلات سحور النجوم.. مي عمر وبسمة بوسيل ويسرا الأبرز
"مش هنرجع تاني أبدًا".. هشام ماجد يكشف سبب انفصاله عن أحمد فهمي