دينا عن شقيقتها المنتقبة: "بتقولي يارب تدخلي
كتب- مروان الطيب:
حلت الفنانة دينا ضيفة في برنامج "ع المسرح" تقديم منى عبد الوهاب ويعرض على قناة "الحياة".
وتطرقت "دينا" للعديد من الموضوعات منها الرقص الشرقي، وعن مشاركتها مؤخرًا بالعديد من الأعمال السينمائية والتلفزيونية، وعلاقتها بنجوم الوسط الفني، إلى جانب أسرار وكواليس وخبايا كشفتها لأول مرة.
وتحدثت "دينا" عن شقيقتها المنتقبة قائلة: "اختي ريتا قريبة جدًا مني وهي أطيب حد وأقرب حد ليا وعمر ما كان بينا خلاف على فكرة الرقص واحنا اخوات لما بنقعد مع بعض مبيبقاش فيه حواجز بينا وبنتكلم في كل حاجة بس هي عندها وجهة نظر محترمة جدًا انها دايمًا بتدعي لنفسها على الثبات وبتقول أن ربنا لما ييجي يحاسب الناس أنا معرفش اذا كنت أحسن منك ولا انتي احسن مني وحسابات ربنا مختلفة".
واستكملت: "أنا براعي المجتمع في حدود، وانتي لو واربتي الباب هيخش لك جيش لكن لو قفلتي الباب على نفسك مش هيدخلك حد، وريتا أختي من أبويا وأمي وهي العشرة مع بعض العمر كله لأنها عارفاني كويس وحفظاني وأخوات الأم هم الأقرب من أخوات الأب لأن اللي ربت واحدة عشان اخوات الأم بيبقوا أقرب وأخوات الأب طبعًا في القلب لكن هتلاقيهم أبعد".
وأضافت: "وقولت قبل كده كل رجالة مصر تربية واحدة ست والأم هي اللي بتوصل هي اللي بتعمل الوصلة أكتر من الأب، والأب دايما مشغول ومش فاضي لكن الأم هي اللي هتقول دي أخت حبيها دي أختك الكبيرة دي أختك الصغيرة ده أخوكي اسألي عليه في التليفون، ومش قادرة أقولك قد ايه انا اكتر واحدة طالعة شبه أمي في التصرفات وفي العلاقات وفي الطريقة وفي كل حاجة".
اقرأ أيضا:
نورهان منصور: حققت حلم من أحلام حياتي بالمشاركة في "إمبراطورية ميم"