لأول مرة.. المخرج هادي الباجوري يكشف سبب طلاق
كتب- مروان الطيب:
حل المخرج هادي الباجوري ضيفًا على حلقة الليلة من برنامج "حبر سري" تقديم أسما إبراهيم ويعرض على قناة "القاهرة والناس" طوال شهر رمضان.
وتحدث "الباجوري" عن النجاح الكبير لمسلسل "سفاح الجيزة" الذي عرض مؤخرًا وحقق نجاحًا كبيرًا ونسب مشاهدة مرتفعة، وعن مشاريعه خلال الفترة المقبلة، إلى جانب علاقته بنجوم الوسط الفني، وانفصاله من الفنانة ياسمين رئيس، كما تحدث عن كواليس وأسرار يكشفها لأول مرة.
وبسؤاله من قبل الإعلامية "أسما إبراهيم" عن السبب وراء انفصاله من الفنانة ياسمين رئيس: "بصراحة كده تصريح عدم الغيرة على ياسمين رئيس هو سبب الطلاق؟".
ورد "الباجوري": "التصريح ده كان فيه انترفيو وكان الكلام على أن لو في أدوار معينة ممثلة لازم تعملها عشان انا كنت وقتها عامل فيلم قمر 14 وكان فيه بوس لشيرين رضا وخالد النبوي، وقالوا لو ده اتطلب من ياسمين وهي كانت مراتي ساعتها هل هتوافق على كده؟، وكان ردي عايزني أبقى منافق يعني مينفعش ابقى موافق ان ممثلة تانية تعمل ده ومش موافق على دي عشان هي مراتي".
واستكمل: "أيوة هي لو موجودة في فيلم زي ده ومشهد زي ده هخليها تعمل ده، مش هقدر أقولها لأ عشان هبقى منافق والموضوع مكانش ليه أي علاقة بالغيرة هو ليه علاقة أني راجل مؤمن باللي أنا بعمله وبقدمه بشكل واضح وصريح".
اقرأ أيضا:
صراخ وانهيار هدى المفتي.. بسبب كلب رامز مقلب "رامز جاب من الأخر"