يشك في زوجته ويريد إثبات جريمة الزنا في حقها..

كـتب- علي شبل:

ضمن عرضه بعض المشاكل الزوجية والأسرية ومحاولة وضع حلول شرعية لها، تلقى الشيخ عمرو الورداني، أمين عام الفتوى بدار الإفتاء المصرية، سؤالًا من أحد متابعي برنامجه «ولا تعسروا»، عبر قناة مصر الأولى، اليوم الأربعاء، يقول فيه: "ممكن أطلب مشورة، أنا زوجتي رافعة عليا قضية خلع، ولسه متحكمش فيها، بس أنا واثق إني فيه رجل آخر، هل أسجل لها أم أهكر موبايلها وأثبت فعلا جريمة الزنا، ولا أفوض أمري إلى الله؟ أنا بسأل من حرقتي بسبب هذا الموضوع.. فماذا أفعل؟".

وفي انفعال واضح رد الورداني على السائل قائلًا: "أنا برضه هجاوبك بحرقتي، حسبنا الله ونعم الوكيل، إيه اللي إنت عايز تعمله؟! ده سوء أخلاق.. يعني زوجتك طلبت الطلاق، فأنت رفضت، فرفعت قضية خلع، ممكن يكون ده من أفعال حضرتك أو لأزمة اقتصادية أو عندها إحساس إن حياتكم مش هتكمل مع بعض، فتعمل معها كل هذه الجرائم".

وتابع أمين الفتوى: "أول جريمة ارتكبتها، جريمة الطعن في شرفها، هي دي وصية النبي؟، إنها لو كرهتك تطعن في شرفها، اتقي الله في نفسك، ده حرام وإثم وكبيرة من كبائر الذنوب، أنت مرتكب كبيرة لو عملت كده، رايح تعمل كده في مراتك، ربنا بيقول فإمساك بمعروف أو تسريح بإحسان، هو ده الإحسان؟!».

اقرأ أيضا: