مها أحمد: "كنت بخاف أروح مكاتب منتجين لوحدي
كتب- مروان الطيب:
حلت الفنانة مها أحمد ضيفة ببرنامج "أسرار" تقديم الإعلامية أميرة بدر ويعرض علي قناة "النهار".
وتطرقت "مها" عن السبب وراء غيابها من المشاركة في أعمال سواء تلفزيونية أو سينمائية خلال الفترة الماضية، وعلاقتها بنجوم ونجمات الوسط الفني، إلى جانب كشفها العديد من الأسرار والكواليس الخاصة بحياتها الشخصية والعملية لأول مرة.
وتحدثت "مها" عن تعرضها للإيذاء من قبل مسؤولة في ماسبيرو قائلة: "ابنها مكنش شغال في المهنة لكن ماما مثلا شغالة في الست كوم الفلاني فجاني وقعد معايا وقالي احنا عايزينك في الست كوم ده، وعايزينك في مسلسل كذه قلت له كتير أنا مقدرش لأني مش عايزة أتضر وكنت بخاف علي سمعتي جدًا وإلتزامي جدًا، وكان لأ لازم تعملي كل ده، فأنا رفضت وانا مركزتش معاه أن لازم إجباري اشتغل، ومامته كانت عاوزاني اشتغل في مسلسل ست كوم والمنتج بتاعه كان مكتبه في الزمالك وكنت بخاف أروح مكاتب لوحدي وكان لسه بقى معنديش مدير أعمال والمنتج هو اللي قلقني لأنه بعت لي ليسته بمجموعة أفلام بصورته مدبسها علي الورقة وكاتب انه مشارك في كتير من الأعمال منها أعمال مع الزعيم عادل إمام".
وتابعت: "وروحت البيت وريتها لجوزي ومجدي قالي ايه الهبل ده، قالي لأ طبعًا ومجدي كان مذاكر أكتر مني وقالي بقولك ايه ابعدي بقي ومالناش دعوة بيه وبعدت وهم كانوا مصرين أني اشتغل في الست كوم ده وأنا رفضت ومن ضمن جدعنتي رفضت الست كوم ده وكان فيه منتج الله يرحمه كان منتج فني محمد زعزع كان بيحبني جدًا وكان داخل بست كوم ومكانش شايف حد فيه إلا أنا وكان واخد الموافقة عليا وقالي أقفي جمبي، وأنا قولت له من العين دي قبل العين دي وفي الاخر مشتغلتش أي حاجة منهم بسبب المسؤولة اللي في ماسبيرو علمتني الأدب".
اقرأ أيضا: