سخرية محمد لطفي من ياسمين عز بسبب الصوت الشتوي

حل الفنان محمد لطفي ضيفاً على برنامج "كلام الناس" تقديم الإعلامية ياسمين عز ويعرض على قناة "Mbc مصر".

وتطرق "لطفي" لنجاحاته الفنية خلال الفترة الماضية، وعن علاقته بنجوم الوسط الفني إلى جانب مشاريعه المستقبلية خلال الفترة المقبلة.

ووجهت "عز" له سؤالا "موضوع التقمص عموماً عاملك مشاكل يعني أنت من الفنانين والشخصيات اللي لما بيدخلوا في عمل بتقمص الدور وأنت أدوارك مش سهلة و 90% منها شخصيات قوية شريرة".

ليرد عليها "لطفي" قائلاً "هو أنا بتعايش مع الشخصية أحياناً بس بيبقى فيه حالة فصل مينفعش تبقى طول الوقت مصحباني في شخصيات صعبة وبيبقي فيها مجهود كبير وأنا ببقى متقمص فعلاً الشخصية بس بحاول أفضل نفسي لحياتي العادية".

واستكمل "لكن في أحياناً شخصيات بتأثر عليا أنا شخصياً يعني لما بيبقى فيها شر جامد أوي وأنا بسيط وبتعامل مع كل حاجة ببساطة وتلقائية وبقدر أتجاوز كل الحاجات دي".

وبسؤاله عن أكثر الشخصيات التي أرهقته في تقمصها رد قائلاً "فرعون من فيلم كبارية اللي كان صوتي مشروخ فيه وكنت باخد أدوية وبعمل تمارين صوت لحد ما أوصل للطبقة دي وعملنا بروفات كتير مع المخرج سامح عبد العزيز وأستاذ أحمد عبدالله وكان في شخصية حقيقية شبه كده".

وعلقت "ياسمين" على صوته بفيلم كبارية "يعني أنت كده معندكش الصوت الشتوي الهادي ده مبقاش موجود"، ليرد عليها محمد لطفي ساخراً "لا دلوقتي فى الحر ده فريون بقي".

يذكر أن الفنان محمد لطفي يشارك بعدد من الأعمال خلال الفترة المقبلة أبرزها الجزء الثالث لفيلم "ولاد رزق" والمقرر عرضه بحلول عام 2024.