ريم البارودي تهاجم ريهام سعيد: " مطلعاني طول
حلت الفنانة ريم البارودي ضيفة على حلقة الجمعة من برنامج "العرافة" تقديم بسمة وهبة ويعرض على قناة "النهار" طوال شهر رمضان.
وتطرقت "ريم" للعديد من الموضوعات منها خلافها مع الإعلامية ريهام سعيد، وعن مشاريعها الفنية خلال الفترة المقبلة، إلى جانب مشاريعها الفنية، وعلاقتها بنجوم الوسط الفني، والعديد من الأسرار والخبايا التي كشفت عنها لأول مرة.
وعن خلافها مع الإعلامية ريهام سعيد بسبب الحلقة التي جمعتهما لإنهاء الخلافات بينهما قالت: "دلوقتي بقالي من سنة 2020 لدلوقتي معنديش وقت للكلام ده، احنا خلصنا الحلقة ومشيوا الساعة 11 الصبح بعد ما مشيوا نمت كام ساعة كده صحيت لقيتها منزلة الصور قلت لها الصور بيتعملها تعديل انتي ست وعارفة قالت لي انا فرحانة ومبسوطة قولت لها وأنا كمان فرحانة بس نعمل على الصور شوية حاجات تجميلية يعني وشوية بالليل بعتت لي البرومو وانا عارفة هي مصورة ايه، وبرومو الحلقة موجود لحد دلوقتي على التيك توك والمنصات وعلى قناة البرنامج نفسها على يوتيوب".
واستكملت: "وجايبني في البرومو وأنا بعيط وكلوز على وشي وحضرتك عليكي إضاءة كويسة وأنا لأ أنا مش عارفه ليه، وأنا مبتاجرش بموت أبويا وايوة متاجرة لما أطلع في برنامج حضرتك تحطي لي موسيقى تصويرية في ضهري وتقعدي تكلميني وبعدين كنت طلعت مع أي حد طلعت معاكي ليه، وانتي طالعة بتكلميني في عودة الصداقة وماشوفتش حاجة فيها صداقة، كلمتيني على أبويا فقعدت أنا أتكلم وأقول اللي حصل بعدين جت بعد كده بعتت لي البرومو قولت لها البرومو وحش جدًا، وردت عليا قالت لي وحش جدًا عشان انتي وترتيني ومفيش مادة ناخدها من الحلقة، قولت لها ما أنا كنت قاعدة قدامك عودة الصداقة، ليه أبويا وليه الحزن وكانوا مخبيين عني ومحدش هيتعاطف معانا عشان مش قاصدين عارفة لو حقيقي الموضوع هيبقي حقيقي لكن مطلعاني طول الحلقة بعيط".
وأضافت: "وقلت لها ريهام كده مش حلو أنا كده بتاجر ببابا وكده ماينفعش، وبعد كده قالت لي هسحب البرومو، وقولت لها هل ينفع يا ريهام تبقي الكاميرا عليا بيج كلوز كده قالت لي دول ضدي دول من قناة تانية وكله موجود عني في الشات، وهي كانت بتصور في قناة وجايبة مصورين من قناة تانية، ومش أنا قولت لك في أول القاعدة اتخانقت مع مدير التصوير وازاي تبعتوه ده وده ضدي وده مبيحبنيش والحاجات دي وهي كان معاها مشاكل مع الكرو اللي معاها، وقولت لها بعد كده ورضيتي ليه نصور".
اقرأ أيضا:
50 صورة من حفلات سحور النجوم.. مي عمر وبسمة بوسيل ويسرا الأبرز
https://www.masrawy.com/ ramadan/drama-news/details/ 2024/3/26/2558975
"مش هنرجع تاني أبدًا".. هشام ماجد يكشف سبب انفصاله عن أحمد فهمي
https://www.masrawy.com/ ramadan/drama-news/details/ 2024/3/27/2559536/