شيرين رضا عن زواجها من عمرو دياب في "العرافة":

كتب- مروان الطيب:
استضاف برنامج "العرافة" تقديم الإعلامية بسمة وهبة الفنانة شيرين رضا في حلقة اليوم الجمعة والذي يعرض علي قناة "النهار".
وتطرقت "شيرين" للحديث عن مشاريعها الفنية، وعلاقتها بنجوم ونجمات الوسط الفني، إلى جانب علاقتها بابنتها نور الوحيدة من زوجها السابق النجم عمرو دياب، كما تحدثت عن تفاصيل وكواليس كشفتها لأول مرة عن فترة زواجها مع عمرو دياب.
وقالت "بسمة وهبة": "عمرو دياب كان في وقت ظهر فيه وكان نجم وكان كل البنات بتموت عليه وانتي شوفتيه".
وردت "شيرين": "أنا شوفته أول مرة مش في فرح شوفته وأنا صغيرة وأنا محاولتش ألفت نظره في الفرح ده لأن أحنا كنا نعرف بعض قبلها وهو كان عارف أنا مين وسلم عليا وهو اللي جري ورايا وهو كان واضح وصريح وقالي على طول أنا عايز أتجوزك وعاوز أقابل بباكي".
وقامت "بسمة" بالكشف عن تفاصيل زيجة "شيرين رضا" الثانية قائلة: "أنا الجوازة التانية كنت شاهدة عليها برضه شوفته قعد علي ركبته وقالك تتجوزيني وقولتي له موافقة تنكري؟"، لترد عليها "شيرين": "لأ عمل كده فعلا انتي بتعرفي الحاجات دي منين".
واستكملت "بسمة" تفاصيل طلب الزواج منها مرة ثانية قائلة: "وتاني يوم راح لبباكي وبعت لك عربية نقل مليانة ورد".

واستعادت "شيرين" ذكريات طلب عمرو دياب الزواج منها قائلة: "هو دخل علي بابا أوضة النوم قاله انا عاوز اتجوزها واتجوزنا 3 سنين وعمرو غنالي كل الأغاني لما كان متجوزني كان هيغني لمين تاني ده أنا كنت أدبحه".

اقرأ أيضا:
رامز يلغي الفقرة الأخيرة بسبب إصابة البليهي في برنامج "رامز جاب من الآخر"