السيسي: انتهاء زراعة 2 مليون فدان العام المقبل

كتب - محمود مصطفى أبوطالب:

أكد الرئيس عبدالفتاح السيسي، أنه تم تنفيذ المياه في مشروع مستقبل مصر لضمان نجاح المشروع.

وقال السيسي، خلال افتتاح موسم حصاد مشروع مستقبل مصر الزراعي، الاثنين: "بستهدف اني أزرع 2 مليون فدان، وفي عام 2025 هيكونوا كلهم داخل الخدمة، مضيفا:"دا نقاش اتحدى بيه أي حد، انه يقدر حد يعمل مشروع بنفس المستوى ده، ويكلفه أقل مننا، وبقول للقطاع الخاص، اللي عملته كانت لا بد اعمله، أنا بزرع على ميه منقولة 150 كيلو متر".

وتابع: "كان لا بد نمشي للمسار ده، وكمان كام يوم هنطلع توشكى فيها 900 ألف فدان، كانوا موجودين من 25 -30 سنة لكن اتزرعوا إمتى؟، والدولة دخلت بجدية التزام عليها لتحقيق الأهداف، هل ده متاح للقطاع الخاص؟، كل اللي بنتكلم فيه متاح".

وتابع الرئيس السيسي: لما نتكلم على 4 ملايين فدان، تقريبا الدلتا 2 مليون فدان يعني 3 أو 4 محافظات كبار، زي البحيرة اللي فيها زراعات ضخمة، 2 مليون فدان رقم ضخم، عشان كده كان لا بد بنيته الأساسية عشان أولا يتعمل تخطيط وتنفيذ مركزي، مقدرش أقول لحد أنت تزرع 50 ألف فدان طب أعمل لك محطة رفع واحدة، بعد ما نعمل ده كله، بقول للمستثمرين المياه بالنسبة لنا تحدي كبير، كل نقطة مياه درجة ملوحتها مناسبة لكل زراعة خسارة عليا لما تهدر مني في زراعات أقدر ازرعها بحجم مياه أقل.