تامر حسني يكشف: فيلم "تاج" يعيد واحد من الجمهور

كتب- مروان الطيب:
نجاح كبير يحققه فيلم الكوميديا والأكشن "تاج" للنجم تامر حسني والذي بدأ عرضه منذ ساعات ضمن موسم أفلام عيد الأضحى.

وحقق الفيلم في إيرادات أمس الأربعاء 3 مليون و834 ألف محتلاً المركز الثاني بعدما نجح فيلم "بيت الروبي" من تصدر إيرادات أول أيام العيد بإيرادات اقتربت من 6 ملايين جنيه.

وأعاد "تامر" نشر رأي واحد من جمهوره عبر الاستوري الخاص به على "انستجرام" وتضمنت : "بابا أول مرة يدخل السينما من 30 سنة وطبعاً بعد ما فضلنا نلح عليه نخرج أول يوم العيد وطبعا روحنا شوفنا الفيلم بتاعك ولقينا بابا انبهر بالفيلم وبأداءك الجميل وضحك ضحك، شكراً يا تمورا على الفيلم القمر ده بكل تفاصيله الحلوة الفيلم ياخد تقييم 10.000 من 1000 فيلم رائع ومنتظرين جزء تاني".

وعلق تامر قائلاً: "سلامي لباباكي أرجوكي وقولي له أني فرحان أوي انه ضحك وانبسط بسببي بعد 30 سنة والله والله فرحان من قلبي وسلامي لكل العيلة وحاضر ان شاء الله نعمل عشانكم جزء تاني".
"تاج" تأليف تامر حسني وإخراج سارة وفيق، ويعتبر فيلم "تاج" ليس أول عمل يقوم تامر حسني بتأليفه، إذ قام من قبل بكتابة عدد من الأعمال السينمائية كان بدايتها بفيلم "حالة حب" عام 2004، مروراً بسلسلة "عمر وسلمي"، وفيلميه "الفلوس" و"مش أنا".