ما هو آخر تعليق كتبته علياء بسيوني لـ أحمد سعد

كتب- مروان الطيب:
كشفت علياء بسيوني زوجة الفنان أحمد سعد طلاقها منه رسميًا عبر استوري حسابها على موقع "انستجرام".

وكان آخر ما نشرته "علياء" بخصوص طليقها أحمد سعد صورة جمعتهما سويًا واحتفلت خلالها بعيد ميلاده قائلة: "كل سنة وإنت طيب لأكتر واحد بحبه يارب السنة دي تحقق لك كل السعادة اللي بتتمناها".

وعلقت "علياء" على طلاقها قائلة: "الحمد لله على كل شيء، تم الطلاق بيني وبين أحمد من شوية بناء على رغبته، وحابة أقوله شكرًا على قرارك اللحظي غير الموفق في خراب بيتنا وتدمير أسرتنا الجميلة اللي أنا حقيقي تعبت فيها لوحدي تمامًا وحاولت وعديت بمواقف مفيش حد في مكاني يقبلها عشان الأسرة دي وعشان المشوار اللي أنا ابتديته ومكنتش حابة انه ينتهي".

واستكملت: "شكرًا على توقيتك الجميل وأنا قاعدة ببنتي 3 أيام وأنت مش عارف حاجة عشان مشغول الساحل وخروجاته وبعدها شغلك، أكبر شكر على المقلب اللي أنا اخدته في العلاقة دي واللي كنت فاهمة أن ليها قيمة وبضحي وبتنازل عشانها وأنت طلعتها ولا تسوي".

وأنهت تعليقها: "ربنا معايا أنا وبناتي في اللي جاي وينتقم منك ويديلك على قد كل حاجة حصلت".

يذكر أن أحمد سعد عقد قرانه على مصممة الأزياء علياء بسيوني عام 2021.