"أبوك طلع معاه فلوس".. متابع يهاجم نجل محمد

كتبت- شهد القاضي:

شارك المخرج أحمد ثروت نجل الفنان محمد ثروت منشور جديد عبر حسابه الرسمي بموقع إنستجرام

ونشر تعليق أحد المتابعين على منشور له بموقع "فيسبوك" وهو يهاجمه ووالده، وجاء فيه: "أبوك طلع معاه فلوس أهو وبيعالجك كويس، أمال مش بيتبرع للبلد ليه؟".

ليرد عليه أحمد ثروت قائلا: "أستاذ سمسم مساء الفل، كل اللي عالبر عوام.. التنظير في المرض مؤلم لصاحب الاختبار جدا، وكل اللي أقدر أقولهولك يارب ما يعرضك إنت أو أولادك أو والدك أو والدتك بمرض زي اللي عندي اللي لو معاك فلوس الدنيا مش هتفيدك من غير رحمة ربنا عليك ودعوات الناس".

وأضاف: "أنا معرفش حضرتك بس صدقني عمري ما أتمنى ليك دقيقة ألم من اللي بتعرض لها يوميا حتى لو معاك مال الدنيا وبتتبرع للبلد كل يوم.. يومك جميل وربنا ما يكتبها عليك وإن شاء الله متشوفش وحش في أي حد بتحبه في اختبار زي ده".

وكتب "ثروت" معلقا: "مشكلة السوشيال ميديا في بلدنا مالهاش ظابط ولا رابط.. و في وقتنا الحالي بعض الناس ماسكة الموبايلات بتكتب ما يحلو لها وتدي لنفسها حقوق وصلاحيات الثواب والعقاب والانتقاد والتنظير والحكم المطلق، والصفات دي معظمها صفات الخالق عز وجل".

وأردف: "يمكن عشان النهاردة أول مرة أتعرض لموقف زي ده حبيت أعرف رأيكم في ده، هل هو تنمر ولا جهل ولا حد فاقد معنى حياته وبيكتب كلمتين بيفرغ فيهم طاقته؟.. كل ده مش مهم المهم إن ربنا كرمني بناس جميلة وحلوة أعرفها و معرفهاش بشكر ربنا عليهم كل يوم كانوا السبب إن ربنا يبصلي ويستجيب لدعواتهم وابتدي اخف .. وشكراً إنك مسحت التعليق".

وكان أحمد ثروت أعلن عن شفائه واستجابته للعلاج بعد مرور 160 يوما منذ إصابته بمرض نادر في الجهاز العصبي (متلازمة الميلر فيشر)، التي اضطر بسببها للسفر إلى ألمانيا لاستكمال رحلة علاجه هناك.