بيومي فؤاد عن أحمد فهمي: "مباخدش منه كلمة جد
كتب- مروان الطيب:
حل الفنان بيومي فؤاد ضيفًا على برنامج "حبر سري" تقديم أسما إبراهيم ويعرض على قناة "القاهرة والناس".
وتطرق "بيومي" للعديد من الموضوعات منها أزمته الأخيرة في "موسم الرياض"، وعن مشاريعه خلال الفترة الماضية، كما قام بالرد على مهاجميه منهم المخرجة كاملة أبو ذكري، وعلاقته بنجوم الوسط الفني، إلى جانب عودته بمسلسل "الكبير أوي 8" في دراما رمضان هذا العام.
وتحدث الفنان بيومي فؤاد عن أزمته مع الفنان محمد سلام ودافع عن الفنان محمد أنور الذي جاء بديلًا لـ "سلام"، وكشف عن العديد من التفاصيل لأول مرة في فقرة بعنوان "قد الكلام".
وقال عن الفنان أحمد فهمي: "أنت فين يا فهمي واحشني؟، واحنا اصحاب جدًا وفهمي بيتقوقع وبيختفي يختفي ونرجع نتكلم وكل الكلام ده، ووقت الأزمة لا كان جمبي ولا باعني، في ناس كتير أوي معرفش فهمي منهم ولا لأ شايفين أني مغلطتش بس كان أيه لزومه، ما الدنيا هديت وفي ناس كتير أوي من حبايب بيومي فؤاد واللي عارفينه قالوا ليه اتكلمت، وفهمي انا قابلته بعد الموضوع ومبخدش منه كلمة جد ومكانش في بينا خلافات بعد مسلسل رجالة البيت خالص".
واستكمل: "أكرم حسني اللي زعل مني عشان ما كتب وأنا برئ وأنا قلت للصحفي اللي كلمني لو الناس شايفة أن دمنا تقيل فلكل جواد كبوة، والراجل كتب على لساني بصراحة احنا دمنا تقيل طب أنا لو ما يهمنيش فهمي ومايهمنيش أكرم مايهمنيش نفسي، والصحفي ده بدأ سؤاله بيقولي ان الناس طايرة بيا ومبسوطة في مسلسل خيانة عهد مع النجمة الكبيرة يسرا، قلت له الحمد لله نعمة كبيرة من ربنا واتكلمت عن الفنانة يسرا وقولت شرف كبير أن الواحد يشتغل معاها وبعدها قالي تقول ايه لردود الفعل السلبية عن مسلسل رجالة البيت".
وأضاف: "ودافعت وقتها عن المسلسل وقلت عشان الكورونا بهدلتنا وأن المسلسل كان فيه خارجي كتير والورق أتغير كتير واتحول المسلسل لست كوم في لحظة وعلى العموم يا سيدي لو الناس شايفة دمنا تقيل فلكل جواد كبوة".
اقرأ أيضا:
50 صورة من حفلات سحور النجوم.. مي عمر وبسمة بوسيل ويسرا الأبرز
"مش هنرجع تاني أبدًا".. هشام ماجد يكشف سبب انفصاله عن أحمد فهمي
