"لا تأمن جمهور الأهلي".. شوبير يوجه رسالة نارية
كتب- محمد خيري:
وجه الإعلامي أحمد شوبير، رسالة قوية لمحمود عبدالمنعم كهربا، لاعب الفريق الأول للنادي الأهلي، بسبب رفضه خوض مران المستبعدين عقب مباراة الأحمر الماضية أمام فاركو في بطولة الدوري المصري الممتاز.
قال أحمد شوبير في برنامجه الإذاعي: "اللي هيقول ما فيش مشكلة لكهربا هقوله لا فيه مشكلة، الراجل عمل تمرين للمستبعدين بعد المباراة الماضية واللاعب تحجج قال أنه مصاب".
أضاف: "يعني لو كان كهربا نزل لعب، مش كان هيجري ويلعب ولا كان هيقول بردو رجلي والكلام ده؟ طبعا في لائحة هيتم تطبيقها على كهربا".
أكمل: "عاوز أقول حاجه لكهربا، كلنا عارفين أن موديست خلاص ماشي وسيتم عمل حفل وداع له في الأيام القليلة المقبلة، ومافيش غيرك انت ووسام أبو علي في الهجوم، وساعات بيتم الاعتماد على طاهر محمد طاهر، وده هيتم كتير الايام اللي جايه أو بيرسي تاو".
أوضح: "بتعمل مشكلة ليه يا كهربا؟، ده وسام أبو علي لما بيلعب بيتصاب كتير، وانت اللي عندك الفرصة، الناس هتفضل تدافع عنك مرة أتنين والأهلاوية عاملين معاك الواجب وبزيادة لكن وبعدين؟ بس لو انت موقفتش جنب نفسك يبقى كل سنة وانت طيب".
وأتم تصريحاته: "جمهور الأهلي واقف جنب كهربا وإمام ومبيسبش حد، بس أنا بقول حاجه لا تأمن جمهور الأهلي، لأن لو انت ممشتش على النظام اللي النادي متبعة مش هيسيبك، لأنه بيحب النادي أكثر من أي حاجه، فكر كويس وأعرف أن أخذ الحق حرفة"
اقرأ أيضا:
