"عصام صاصا مش مجرم".. حمو بيكا يدافع عن مؤدي
كتب-مصطفى حمزة:
حرص مؤدي أغاني المهرجانات حمو بيكا، على الدفاع عن عصام صاصا ، مؤدي أغاني المهرجانات، الذي يواجه تهمة القتل الخطا، بعد دهسه شاب بسيارته، أعلى الطريق الدائري.
حمو بيكا، نشر عبر صفحته في موقع فيسبوك، صورة صاصا، وكتب عليها عصام صاصا مش مجرم.
وعلق بيكا: "عصام صاصا عمره في حياته ما كان مؤذي او شخص مش كويس، وأنا مش بكتب الكلام ده عشان اظيط فى الظيطة، ومش محتاج أظيط أنا كحمو بيكا ، انا اعرف الراجل ده من سنين السنين كمان .. خبط واحد بعربيته قضاء و قدر".
وتابع: " ياريت بقى الناس بتاعت التيك توك والصحفيين والناس اللي هي بتظيط دي متركبش المركب بالمقلوب، وتفضل تقول كلام محصلش، الراجل ده دلوقتي في محنة وفي اكتر مش شخص بيطلعوا يعملوا فيديوهات ملهاش اي تلاتين لازمة، ملكمش الحق انكم تتكلموا وملكمش الحق انكم تطلعوا تجيبوا سيرتو بأي حاجة".
بيكا، أضاف: "أنا شايف كمية فيديو ع التيك توك بجد حاجة تقرف حاجه تدل على إن احنا شخصيات معندهاش مبدأ، وشخصيات مقرفة أي كان جريده أي أو الصحفيين اللي بيمشوا بالتليفونات، في أي حتة دول انتم ملكمش الحق انكم تتكلموا في اي حاجة أصلا ، و مين أداكم الحق للكلام ده بس بجد انتوا أبشع مما تتصوروا".
وأوضح: " الراجل مات وده نصيبه الله يرحمه ويرحم جميع أمواتنا لكن المزايدات ملهاش لازمة صدقوني، والقانون والدولة هما الوحيدين اللي لهم الحق في الكلمة، أو في أي حاجه تخص الموضوع ياريت بقى نهدا ونبطل هري، ونهدى كل شوية جريدة تطلع لنا واحدة مبتعرفش تتكلم تفضل تهري في الموضوع .. ربنا يرحم اللي مات برحمته .. وربنا يرجعلنا عصام صاصا بالسلامة".
مؤدي أغاني المهرجانات عصام صاصا، يواجه اتهاما بالقتل الخطأ ، بسبب دهس شاب اعلى الطريق الدائري بالطالبية.
