خالد سليم يرد على شائعة وجود خلافات بينه وبين

كتب- مصراوي:

كشف الفنان خالد سليم حقيقة وجود خلافات بينه وبين زوجته خيرية بعد تردد أنباء انفصالهما الفترة الماضية.

وقال خلال لقائه ببرنامج حبر سري مع المذيعة أسما إبراهيم المعروض عبر شاشة القاهرة والناس: "إشاعات خلافاتي مع مراتي ممكن تأثر عليا نفسيا في حاجات بسيطة كده، عشان خيرية بتضايق شوية من الكلام بس هي عارفة إن أي حد تحت الإضاءة معرض بشكل كبير للقيل والقال وتدخل الناس زيادة عن اللزوم في حياتنا واحنا ارتضينا إن دي طبيعة شغلنا".

وأضاف: "أكيد في أي بيت فيه خلافات بس مفيش أي حاجة توصل للانفصال ولا أي حاجة من الكلام ده خالص، الفكرة بس إن الفنان حياته بتتزحم قوي وبنقعد بالـ 14 ساعة في مكان شغلنا وبنروح عشان ننام ساعتين ونصحى تاني يوم عشان نكرر نفس الموضوع فحياتنا بتتسحب مننا وأصحابنا القريبين بيبتدوا يرموا طوبتنا".

واستكمل: "فدايما لما كان في مناسبة خيرية كانت بتروح تجامل الناس وحبايبنا كلهم وجاملونا كتير ووقفوا معانا في مواقف كتير فلازم نجاملهم، فبالتالي خيرية كانت بتروح المناسبات دي لوحدها فالناس ابتدت تسألها هو خالد فين؟ وكانو بيضايقوها ومبيصدقوش إني مشغول ودول ليهم تأثير كبير عليها نفسيا فبدأنا أي وقت أكون موجود معاها أخدها نتعشى مع بعض ونتصور وننزل الصور".

حرص الفنان خالد سليم، على تهنئة الجمهور بعيد الأضحى المبارك 2023.

ونشر سليم، صورا له، عبر حسابه الشخصي على إنستجرام، وعلق: "كل عام وأنتم بخير بمناسبة حلول عيد الأضحى المبارك.. أعاده الله علينا وعليكم بكل الخير والسعادة والصحة".