مها أحمد عن زوجها مجدي كامل: "جزمته فوق دماغي
عبرت الفنانة مها أحمد، عن حبها الشديد لزوجها الفنان مجدي كامل، قائلة: "ممكن أكون حسدت نفسي عشان متجوزة راجل زي الفل، دكتور وبقالنا 30 سنة متجوزين، مسبتش البيت مرة، بيعشقني وهو سيدى وتاج راسي وجزمته على دماغي، وأنا مبعرفش أتخانق، وساعات أكون متعصبة جدًا عليه لأني عصبية شوية ولما يخرج من الأوضة أقوله مجدي إعملي معاك شاي والموضوع يخلص، وهو استغرب ده في أول الجواز".
وقالت مها أحمد، ببرنامج "أسرار" مع الإعلامية أميرة بدر المذاع على قناة النهار: "مجدي بيحبني عشان حلوة وأمورة ومتجددة طول الوقت والكلام ده المفروض تعمله كل الستات، وأنا بتشقلب في البيت، وبيحبني كمان عشان شبه مامته، وست مكافحة وبيدلعني بيقولي يا وزة وحياتنا كلها متخرجش بره".
وأضافت حديثها عن زوجها: "لو هعيش معاه بـ 1000 جنيه أو 10 جنيه هعيش موافقة، وجبت أجهزة بيتي كلها بالقسط ساعة الجواز، والست متسامحش في الخيانة وأنا عمري ما اتخانت وأنا ست كاملة متكاملة وقمر وبحب أدلع وأتدلع، ومجدي طول عمرنا أول ما يرجع البيت بيناديني يا وزة وياخدني وأنا قصيرة كده في حضنه ويحط دماغي على صدره".
برنامج "أسرار" تقدمه الإعلامية أميرة بدر على شاشة النهار يومياً في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
اقرأ أيضا:
