ميار الببلاوي:"معتقدش ينفع أشتغل مع إلهام شاهين

كتب- مروان الطيب:

حلت الفنانة ميار الببلاوي ضيفة على برنامج "هي وهما" الذي يعرض على قناة "الحدث اليوم".

وتحدثت "ميار" عن العديد من الموضوعات منها بدايتها الفنية وعملها في مجال الإعلانات، وعن تصاريحها المثيرة للجدل خلال الفترة الماضية، إلى جانب السبب وراء دخولها عالم الفن والتمثيل ومن قام باكتشافها، وعن علاقتها بنجوم الوسط الفني.

وبمجرد رؤية صورة للفنانة إلهام شاهين والفنانة ليلى علوي بالبرنامج وبسؤالها توافقي تشتغلي مع انهي واحدة؟، ردت "ميار" قائلة: "ولا واحدة، مقدرش اشتغل مع حد فيهم العمر ده كله مفيش واحدة فيهم حصلي الشرف اني اشتغلهم معاهم ومعتقدش بعد ما كبرت ونضجت ينفع اشتغل معاهم".

وعن بدايتها الفنية قالت: "بدأت وأنا عندي 16 سنة كنت في تانية ثانوي وبدأت بحاجات بسيطة، وأول ما دخلت الكلية ابتديت اشتغل في الإعلانات وبعد الإعلانات اللي اكتشفني الحاج فهمي عبد الحميد وقالي انتي عفريتة وافتكرتها شتيمة وبعدين قالي انتي هتبقي حد جامد جدًا بس انتي محتاجة تركزي وكنت مش فاهمة واحدة وفجأة لقيت نفسي تحت الأضواء وموجودة في استوديوهات وبتشوفي ناس كنتي بتشوفيهم على مجلات والتلفزيون عشان بابا كان صعيدي كان بيتقفل الساعة 9 وحتى في اليوم الإجازة مكانش التلفزيون بيتفتح".

واستكملت: "وأبويا معرفش أني كنت بمثل عشان التلفزيون مكانش بيتفتح وفضلت أعمل إعلانات وبابا ميعرفش وفضل سنة مكانش عارف وكانت الحاجات اللي بشتغل فيها معظمها في الخليج فمكانتش بتتشاف أوي وقتها وقفشني أول مرة كان قاعد واختي الصغيرة كانت قاعدة معانا ومرة واحدة لقيتها بتقول أبلة ميار اهي وبابا بص ركز لقاني ولقيت الحزام مستنيني".

اقرأ أيضا:

بالصور| رامي عياش يحيي حفلا في كازينو لبنان

ماذا طلب الرئيس عبدالفتاح السيسي من صفاء أبو السعود في احتفالية المرأة المصرية؟