نجوى فؤاد: لو رجعت السنين ملبسش بدلة رقص..

القاهرة- مصراوي:

رفضت الفنانة نجوى فؤاد منح لقب راقصة مصر الأولى لأي راقصة موجودة على الساحة الآن، مؤكدة أن المتواجدات من دول أجنبية.

وتابعت في حوارها مع برنامج شاي بالياسمين المعروض على قناة النهار: "الراقصات الأجنبيات عاملين زي فراخ الجمعية، شكلهم جميل وبيمرنوا نفسهم كويس قوي وبيصرفوا على بدلهم كويس قوي، رغم انها عارية، وأنا ضد ده، وغير راضية عن بدل الرقص التي يتم ارتداءها اليوم، لإن لا ديننا ولا عاداتنا ولا أخلاقيانا ولا تقاليدنا بتقول كده".

وقالت إنها ارتدت بدلة الرقص لأن لم يكن لديها وعي وخبرة السنين التي تتحدث بها الآن، مضيفة "لو رجعت بيا السنين ملبسش بدلة رقص، زمان كنت عايزة اشتغل أي شغلانة لإن مكانش معايا فلوس ومكانش عندي أهل في القاهرة، أنا من الإسكندرية، ووالدتي فلسطينية واشتغلت بخمسين قرش في اليوم، ولو رجع بيا الزمن معملش كل ده".

نجوى فؤاد من أشهر نجمات الاستعراض في مصر والعالم العربي، شاركت أيضا كممثلة في عدد كبير من الأفلام، وقامت بإنتاج عدد منها.

من أشهر أفلامها: العايقة والدريسة، حد السيف، حافية على جسر الذهب، وداعا يا حب، فرقة المرح، إسماعيل ياسين في الطيران، الليلة الموعودة، ألف بوسة وبوسة.