"أرجوك كفاية".. ميدو يوجه رسالة لـ مرتضى منصور
وجه أحمد حسام ميدو، نجم الزمالك الأسبق، رسالة إلى مرتضى منصور،رئيس النادي الصادر بحقه حكم قضائي بعزله من رئاسة النادي، بعد أزمته الأخيرة، مع محمود عبد الرازق شيكابالا قائد فريق الكرة الأول بنادي الزمالك.
قال "ميدو" في تصريحات عبر برنامج الريمونتادا على قناة المحور: "الزمالك مش محتاج مشاكل زيادة، كفاية اللي عنده والكل عارفها، حتى لو في مشكلة لازم نتجنبها دلوقتي لو من جوا النادي".
وأوضح: "الكلام اللي قاله مرتضى منصور، في الساعات الماضية، فيما يخص شيكابالا مكنش وقته إنه يتقال، والبعض يحاول يستغل الأزمة عشان يطلع ترند.
أضاف: "بقول لمرتضى منصور، أرجوك كفاية خناقات ومشاكل الزمالك مش محتاجها دلوقتي، فى حاجات لازم تعديها، النادي بيمر بوقت صعب وكل الناس اللي عايشين في النادي عارفين ده كويس أوي".
وأكمل: "مينفعش نزود المشاكل الخاصة بالنادي، وشيكابالا لا يستحق هذا الهجوم بكل صراحة، وشيكابالا ملوش أي ذنب في إن في فلوس متأخرة على سبورتنج لشبونة، هو كان بيدفعها".
واختتم تصريحاته: "المركب ممكن تغرق، لازم هدوء خاصة الفترة دي، الدنيا ممكن تهدى، ونحل المشاكل المالية ونستعد للموسم الجديد اللي محتاجين فيه عودة البطولات مرة أخرى".
