أول تعليق من هنا الزاهد على علاقتها بأحمد فهمي

كتب- مروان الطيب:

حلت الفنانة هنا الزاهد ضيفة على البرنامج الإذاعي "كلاكيت" تقديم لينا الطهطاوي ويعرض على إذاعة "نجوم إف إم".

وتحدثت هنا عن مشاريعها الفنية خلال الفترة المقبلة، إلى جانب علاقتها بطليقها الفنان أحمد فهمي عقب الانفصال، إلى جانب العديد من التفاصيل الخاصة بحياتها الشخصية.

وعن علاقتها بطليقها الفنان أحمد فهمي قالت: "مش لازم أي اتنين بيسيبوا بعض يبقى فيه مشاكل وفي ناس كتير مش بيتوفقوا مع بعض والنصيب مبيكملش بس بيبقوا فى منتهى الشياكة والاحترام لأن إحنا في الآخر كنا صحاب وفي بينا عشرة كبيرة عشرة 5 سنين فأكيد في بينا كل احترام وهو شخص محترم جدًا ومفيش أي ضغينة بينا ومش شايلة هم لما بشوفه بالعكس احنا شوفنا بعض في حفل جوي أوردز وسلمنا على بعض وهو دلوقتي صديق وزميل كمان في نفس المهنة وليه كل احترام وهو عشرة كبيرة".

واستكملت: "والحياة كلها مش بتمشي زي ما احنا عايزين وفي أوقات بتقول خلاص النصيب لحد هنا ومش معناها إن هو وحش أو أنا وحشة وهو النصيب كده في الآخر والحياة بتكمل وفي الأول بتبقي حاجة صعبة جدًا لأن بيبقي فيه عشرة بس في الآخر الحياة مكملة ولازم تكملي بس أنا الحمد لله تمام ومبسوطة وهو مبسوط جدًا واحنا صحاب والحياة قصيرة جدًا ولازم هو يشوف حياته وأنا أشوف حياتي ومانبقاش زعلانين من بعض ومفيش أي ضغينة بينا ولو عاوزة أي حاجة هكلمه وهو لو عايز أي حاجة يكلمني احنا صحاب في الآخر".

يذكر أن هنا الزاهد تشارك ببطولة فيلم "فاصل من اللحظات اللذيذة" مع الفنان هشام ماجد والمقرر عرضه خلال الفترة المقبلة.