"اللي زعلونا هيصالحونا وكله متسجل والحساب

وجه الإعلامي سيف زاهر، رسالة قوية للجماهير المصرية، بعد تعادل المنتخب الوطني أمس الأحد، مع موزمبيق بهدفين لكل فريق، في بطولة كأس الأمم الأفريقية.

قال سيف زاهر، في برنامجه عبر قناة "أون تايم سبورتس": "احنا زعلانين من الخسارة وعاوزين الناس تفوق، ولا زعلانين من الخسارة عشان تفضل تتكلم، لأن كل الناس زعلانة بس فيه اللي بيبص لبكرة".

أضاف: "مباراة موزمبيق، الناس حست انها كسبتها قبل ما تتلعب، وده كان كمين، ولازم نكون فوقنا منه، عشان المرحلة المقبلة هي الأهم".

أكمل: "احنا زعلنا وانتقدنا خلاص، نقطة ومن أول السطر، وهنستعد لمباراة الخميس مع غانا، وهي مباراة فاصلة، من أجل التأهل، نحن خلف المنتخب، اللي زعلونا هيصلحونا، وكله متسجل والحساب متأجل".

أوضح: "لازم اللاعيبة في النقد يتحملوا الجمهور، عشان نفوق مرة تاني، ونرجع لمستوانا، بس ما فيش حاجه اسمها لاعب متعمد التقصير، فيه منتخب مش موفق".

أتم تصريحاته: "واثق من التأهل، ولازم نتعلم من أخطائنا، لأن ده حصل في كأس الأمم الأفريقية الماضية، وفي النهاية منتخبنا تأهل للمباراة النهائية، وهذا ما سيحدث بالمساندة والدعم".

اقرأ أيضًا: