عفاف مصطفى تعلق على تصريحات مادلين طبر بخصوص

قالت الفنانة عفاف مصطفى، إن تصريحات الفنانة مادلين طبر عن الزعيم عادل إمام، شجعها على كتابة منشور عنه، موضحة أن "مادلين" لديها حق فيما قالته.

وتابعت عفاف، ببرنامج تفاصيل: "لما لقيت مادلين طبر هي اللي فتحت الموضوع أنا اتجرأت وعملت كدة، وهي عندها حق في الخطوة دي ومن حقنا نشوف الزعيم عادل إمام.. أنا مش بقحم نفسي عليه".

وأوضحت: "في ناس كتير بتقابله وأنا عندي معلومات بتوصلني لحد البيت ومتأكدة منها مليون في المية.. إشمعنا أنا أو اللي من جيلي".

وحول اتهام البعض لها بأنها تريد تصدر التريند، فقالت: "أنا لو عاوزة أعمل تريند كنت ظهرت في برامج، لكن أنا عملت ده علشان أنكش رامي إمام، ومكنتش أتخيل أن البوست يوصل للمرحلة دي، فيه ناس بتتهمني أني أثير الجدل، ورفضت الظهور في البرامج".

وأضافت: "أوجه رسالة لـ رامي إمام وبقوله عاوزه أشوف الأستاذ عادل إمام، وأسلم عليه لأنه الأب الروحي للوسط الفني".