ممكن أطبَّق السنة الجاية.. ماذا قال مدبولي عن
كتب- محمد عمارة وأحمد السعداوي:
تحدث الدكتور مصطفى مدبولي، رئيس مجلس الوزراء، عن التحول إلى الدعم النقدي، والمعايير المطلوبة لتحقيق ذلك.
وأضاف مدبولي، خلال مؤتمر صحفي مع عدد من الإعلاميين ورؤساء التحرير، اليوم الثلاثاء: كل ما أقعد في قعدة يقولوا لي الدعم النقدي هو الحل، طب قولوا لي إيه المعايير يا حكومة عشان أنفذ؟ هاعمل كده، الموضوع مش هيبقى رقم ثابت للأسرة.
وتابع رئيس الحكومة: كان التخوف إنه يبقى رقم؛ لأ هيتغير عشان التضخم، لازم يكون فيه معايير عشان مايبقاش فيه ثغرات، زي اللي بيحصل دلوقتي في موضوع السماد، وعشان الأزمة بتاعة الكهرباء، حجم الغاز اللي رايح لمصانع السماد قلّ، وبقى الموضوع بيع للسماد المدعوم، عشان حجم السماد قلّ، في الآخر لو فيه دعم نقدي، والسلع سعرها طبيعي، الفلاح هيقدر يستفيد.
واستكمل مدبولي: الموضوع عايز يبقى عندنا رؤية شاملة، وطلبت ده من الحوار الوطني وأن يضعوا حلولًا، عشان نوصل لده نهاية هذا العام، ونطبَّق مرحلة في الموازنة الجديدة المقبلة.
