"كارمن سليمان صوت مصر".. أول تعليق من مصطفى جاد

كتبت -شهد القاضي:

أثار تصريح الملحن مصطفى جاد الغضب بقوله أن الفنانة كارمن سليمان هي صوت مصر الأول.

وفي أول تعليق له بعد تصريحه، كتب جاد عبر صفحته بموقع "فيسبوك": "تتفقوا أو تختلفوا معايا مش مشكلة.. ده مش بس رأيي ده توقع لمستقبل صوت مصر النسائي الأول بجدارة وعن استحقاق خلال سنين قليلة قوي جاية".

وأضاف: "أنا مش بس ملحن أنا Music Producer وعندي رؤية ومشروع والموضوع بالنسبة لي معطيات ومؤهلات وشغل سنين ونتايج ومسؤولية وإحترام للموهبة".

واستكمل: "اللي مش شايف ده دلوقتي هيشوفوا بعدين ومش عيب إنك تكون معندكش الرؤية دي بس العيب إنك تدخل في خناقة معايا عشان رأيي مش عاجبك".

وصرح الملحن مصطفى جاد، حين سؤاله عن "من هو صوت مصر الأول؟"، خلال لقائه ببرنامج "Gossips"، هو وزوجته كارمن سليمان، وأجاب قائلا: "صوت مصر الأول هو كارمن سليمان.. سيبك من الدبلوماسية.. واللي يعاركني يعاركني".

لتقاطعه سليمان، قائلة: "لا لا طبعا.. صوت مصر ده بيتنقل كل شوية لحد، وده بيكون أصلا بسبب الجمهور، هو أصلا صوت مصر هو أم كلثوم، بس كل حقبة زمنية بيكون في صوت الناس بتحبه جدا وبتجمع عليه جدا".

وأثار هذا التصريح غضب الجمهور، وجاءت بعض الآراء أن التي تستحق صوت مصر الأول بجدارة هي الفنانة أنغام، وليس ومن المفترض تشبيه صوت كارمن سليمان ومقارنتها باسم كبير في عالم الفن مثل أنغام.

وجاء رأي آخر أن من المتوقع بالفعل أن تكون سليمان، هي صوت مصر الأول ولكن ليس الآن لأن تاريخها ومسيرتها الفنية لا تتناسب مع ذلك حاليا.

وتنافس الفنانة أنغام والفنانة شيرين عبدالوهاب على لقب صوت مصر الفترة الماضية، وحسمت عبد الوهاب الجدل المثار، خلال ظهورها في لقاء مع برنامج ET بالعربي، وقالت: " كلنا كلنا أصوات مصر ، كلنا أصوات العرب، كل واحد فينا شايل اسم بلده على كتفه لما يكون في أي مكان".

وتابعت كارمن: " مصر أكبر من أن يكون لها صوت واحد".