مادلين طبر عن زواجها الأول: "كنت أحلم أعيش معاه
كتبت- نوران أسامة:
حلت الفنانة اللبنانية مادلين طبر، ضيفة على برنامج "الستات مايعرفوش يكدبوا"، وتحدثت خلال لقائها عن أسباب عدم استمرار زيجتها الأولى بعد زواج دام 7 أعوام.
وقالت: "أنا دلوقتي مش متجوزة، بس لما كنت متجوزة مع حفاظي على شخصيتي، كنت بعدي الأمور ولما أحس أنه أتعصب أهرب، الراجل لما بيطلع عصبيًا مبيعرفش ينزل، معندهوش طاقة زينا يلم الموضوع ويرجع طبيعي".
واختتمت مادلين: "أنا جوازتي الأولى مكنتش عايزة أسيب، وكنت بحلم أعيش معاه العمر كله، وكنت بعدي وبطنش، وكلنا كستات عايزين السترة وبيوتنا تستمر، والست اللي عايزة الجواز لازم تعرف إن التضحية من الست، والرجالة فيهم طفولة بيعندوا وعايزين رأيهم هو اللي يمشي فنمشي لهم رأيهم، واكتشفت مع الوقت إن طريقتي معاه جابت فايدة الا في حاجة واحدة إنه مُحب للستات وده مرض".
يذكر أن مادلين طبر تنتظر عرض مسلسل "سيما ماجي" بطولة رانيا يوسف، حورية فرغلي، كمال أبو رية، محمد أبو داوود، سحر رامي، من تأليف حسان دهشان، وإخراج تامر السعدني.
اقرأ أيضًا:
